„Ќе биде висок малку повеќе од пет метри, тежок 60 килограми и ќе има екран наместо лице. Ќе може да носи 56 килограми и да се движи со брзина од осум километри на час. Можете да го прашате за работи како „оди во супермаркет и донеси ми ги овие производи“, или „те молам, земи го алатот и поправи го автомобилот со тој клуч“. Тој ќе се вика Оптимус.
View this post on Instagram
Во Пало Алто, за време на вториот ден на тестирање на AI Day – вештачката интелигенција, токму со овие зборови Елон Маск го претстави новиот, футуристички проект на „Тесла“, компанија на која е тој основач и извршен директор.
Станува збор за хуманоиден робот чиј прототип се очекува да биде готов следната година и на кој инженерите работатсо употреба на искуството што „Тесла“ веќе го стекна во автоматизирање на автомобили.
„Тоа е двопеден робот за општа употреба способен да извршува небезбедни, повторувачки или здодевни задачи“, објасни Маск, според кого во иднина „физичката работа ќе биде избор: тоа ќе го прават само оние што сакаат да го направат“.
Откако направи револуција во автомобилската индустрија и, со Space X, во вселенската, интересот на Маск сега е насочен кон предизвикот на создавање роботи слични на човекот.
Дали Маск ќе успее во тоа каде што другите не успеаја? Има многумина кои се сомневаат. Бидејќи приказната на „Тесла“ е полна и со имагинативни идеи кои никогаш не биле реализирани. Па така и овој робот од многумина е поздравен со скептицизам.
