Ела и Лудон нема баш да можат да уживкаат во милионите на татко им, славниот глумец Даниел Крег. Но, тие не се единствени деца на славни родители кои ќе останат без наследство.
Даниел Крег нема намера да им остави големи суми пари како наследство на своите деца. Глумецот, познатиот 007, го рече ова во интервју за списанието „Кандис“.
„Една стара поговорка вели дека оние што умираат богати, пропаднале во својот живот. Не сакам да им оставам големи суми на пари како наследство на моите деца “, рече Крег и додаде „Мислам дека наследствата имаат лош вкус. Мојата филозофија е да уживате во парите додека сте живи или да ги потрошите пред да умрете“.
Крег стана татко во 1992 година, со раѓањето на Ела, актерка како него, која ја доби во бракот со неговата поранешна сопруга Фиона Лудон. Во 2018 година тој го прослави доаѓањето на новиот член на семејството, Лудон, родена од неговата врска со Рејчел Вајс.
Неговиот имот изнесува околу 160 милиони долари, заработени главно благодарение на улогата на Џејмс Бонд, одиграна во последните 15 години.
Неговиот избор е невообичаен, но не и единствен.
Ештон Качер и Мила Кунис нема да заштедат пари за Изабел и Димитри: „Нашите деца ќе научат сами да се снаоѓаат, ќе го ценат она што го имаат од животот и пред се, ќе научат сами да си обезбедат удобност“.
Истото важи и за Стинг:
„Нема да им оставам на моите шест деца ниту денар од моите 180 милиони фунти. Мораат да работат, како што работев јас“, неодамна рече Стинг.
