Познатата српска пејачка Вики Миљковиќ (44) на социјалните мрежи се пофали со луксузниот стан кој неодамна го купила во новоизградената елитна населба – Белград на вода.
Пејачката на Инстаграм објавила делови од станот во кој набрзо ќе се всели.
Миљковиќ прво ја покажала терасата која е поголема од спалната соба и на која веќе има ставено мебел и има фантастичен поглед.
Вредната Вики подоцна го објавила и останатиот дел, односно внатрешноста на станот и на своите обожаватели им покажа со каква декорација ќе ги пречека гостите во четврток, кога семејството Миљковиќ ја прославува својата слава – Свети Никола.
Таа во една прилика признала дека заработените пари е најдобро да ги вложи во недвижности, што и се покажа дека е така. Вики досега во луксузниот комплекс купила дури три недвижности.
