– Како што веќе кажавме и најавивме, во остатокот од овој викенд времето ќе биде променливо облачно и студено со сончеви периоди. Ќе дува слаб до умерен, а долж Повардарието повремено засилен ветер од северен правец. Температурите ќе се искачуваат во интервалот од 0 до 9 степени. Во Скопје и околината во остатокот од викендов времето ќе биде променливо облачно и студено со сончеви периоди.
Ќе дува умерен, повремено засилен ветер од северен правец, додека максималните температури ќе се искачуваат до околу 5 степени. Потоа во почетокот од следната недела се очекуваат повеќе сончеви периоди, но наутро ќе биде уште постудено и минималните температури ќе се спуштаат во интервалот од -10 до -2 степени, додека на планинските места истите се очекува да се спуштат до околу -15 степени.
Максималните дневни температури на воздухот пак ќе се искачуваат во интервалотод -1 до 7 степени. Исклучок ќе биде понеделник кога ќе биде малку потопло и тогаш во најтоплите предели од државава температурите се очекува да се искачат до околу 11 степени – вели нашиот метео прогнозер Славчо Попоски.
