Пејачот Таско се отвори за својата зависност од алкохолот и рече дека одел во екстреми и самиот си барал причина да пие.
„За тие што пијат, ако мислат дека им претставува проблем, во првиот момент кога ќе им дојде мислата дека ‘можеби ова ми претставува проблем’, тоа веќе претставува проблем. Да бидат свесни за тоа и прифаќањето на тоа – ‘чекај, јас имам проблем моментално, како да се справам со ова’ – е првиот чекор кон справување со таа работа“, рече пејачот во емисијата „Магазин“ на ТВ „Сител“.
„Јас сум човек којшто оди во екстреми. Значи, целиот живот сè што правам – и доброто го правам до максимум, и лошото сум го правел до максимум. Забележав дека ми пречи кога веќе почнав да барам повод. Значи, не мора да има некоја причина за јас да пијам, туку јас ја создавам причината за да се напијам, да можам да пијам алкохол“, додаде Таско, а потоа рече дека престанал да пие поради децата.
„Сфатив дека тука веќе почнувам да ја губам контролата врз тоа колку пијам и дека треба да се отрезнам првично поради тоа што имам син и ќерка. Синоттреба да види каков маж треба да биде, ќерка ми треба да види каков маж треба да земе во животот. И најмногу тоа ми беше она освестувачко искуство и отрезнување“, рече Таско.
View this post on Instagram
