Во еден ресторан во Сплит, во четврток вечерта се славеше роденденот на фотографката Соња Дворник, а забавата брзо се претвори во вистински спектакл.
Атмосферата била на врвот – се пеело, се играло, а во еден момент гостите дури и се качиле на масите. Во центарот на случувањата била Северина Вучковиќ, која зела микрофон и запеала, дополнително разгорувајќи ја енергијата.
Но, покрај музиката, големо внимание привлече и нејзиниот стајлинг. Пејачката избрала долга црна креација што ја следи линијата на телото, со впечатлив крој кој го открива стомакот и ја нагласува фигурата. Горниот дел го истакнал деколтето и рамената, додека долниот паѓал елегантно, создавајќи комбинација на гламур и препознатлив сексапил.
Пријателството меѓу Северина и Дворник трае со години, а двете често јавно си изразуваат поддршка. Токму Дворник стои зад дел од најпознатите фотографии на пејачката, но нивниот однос одамна ја надминал професионалната соработка.
„Денес е посебен ден затоа што се роди таа која е испратена на овој свет да го разубави. Мојот живот е поубав откако те познавам, amore мој“, напиша Северина во една од претходните честитки, на што Дворник возврати со порака на благодарност за љубовта.
