Популарната пејачка Мел Б во гостувањето во една емисија откри дека од новите партнери секогаш бара да се тестираат за полови болести.
– Мислам дека е важно да поразговарате со партнерот пред сексот. Ќе се изненадите колку тие имаат желба да го направат тоа по разговорот. Сум била на безброј состаноци и доколку видам дека работата оди во таа насока им велам: Идеме на клиника заедно да го направиме тоа, појасни Мел Б како води сметка за своето сексуално здравје.
Исто така, пејачката призна дека никогаш не се потпира на тоа дека мажот ќе понесе контрацепција на состанокот.
– Сама сум и секогаш имам кондоми во својата торба, додаде таа.
– Имам три ќерки, осумгодишна, 12-годишна и 20-годишна. Јасно 20-годишната знае се за сексот, а со неа за тоа почнав да разговарам кога имаше 13 години. Многу добро ја информирав и тоа не зближи. На почетокот беше непријатно, но сметав дека не постои подобар начин отколку таа тоа да го дознае од мене, заклучи пејачката.
