Марија пред трансформацијата имала 119 килограми, а сега има 75.
Нутриционистката Елена Мирческа е со нас за да се „стегнеме“ во пресрет на есента.
Здравиот начин на исхрана е во мода, а добрите нутриционисти се сè побарани. Особено, ако здравиот диетен режим би можеле да го комбинираме со физичка активност. Нутриционистката, веганка и фитнес-инструкторка, Елена Мирческа, нѐ советува како да дојдеме во топ форма во пресрет на есента.
Елена е дипломиран инженер-технолог нутриционист, но има и бројни доедукации во областа на природната медицина, нутриционизмот и квалитет и безбедност на храна. Со еден збор, таа е нутриционист „пар екселанс“, или по „нашки“, експерт за храна без конкуренција.
А серијата што следува е „исповед“ за слабеење на некои од жените во кои Елена се вложила за да добијат фит-изглед.
Овојпат ѝ благодариме на Марија Глигорова што своето искуство го сподели со нас.
Марија за себе вели: имав еден многу скап обид во борба со килограмите кој не самошто двојно ги вратив по прекинувањето, туку се одрази негативно и врз моето здравје! Кога станав свесна дека еднинствено здрава и избалансирана диета, односно начин на исхрана, а не гладување, е начинот за долготраен резултат, побарав помош од нутриционист.
-Процесот е долг и тежок за било кој да го поминува сам. Не е само ливчето хартија на кое се напишани оброците, туку тука е и целокупната поддршка која некој треба да ја има во текот на целиот процес, додава Марија.
Марија досега „симна“ 35 килограми и речиси се преполови во обем и продолжува и понатаму под стручен надзор да ја доведе својата линија до некритично себеприфаќање во огледалото.
