Инфлуенсерката и модел Софија Милошевиќ повторно го привлече вниманието на јавноста, овојпат поради својот изглед – поточно, поради промените на лицето. Таа неодамна гостуваше во една телевизиска емисија, каде зборуваше за приватниот и професионалниот живот, но дел од гледачите повеќе се фокусираа на нејзиниот физички изглед отколку на кажаното.
На социјалните мрежи брзо се појавија бројни коментари, во кои дел од корисниците шпекулираат дека Милошевиќ „претерала со ботоксот“, наведувајќи дека промените на нејзиното лице се „премногу воочливи“ во споредба со претходниот период.
„Не личи повеќе на себе“, „Црна Софија, што ти направи ботоксот“, „Беше природно убава, ова не ѝ требаше“ – се само дел од коментарите што кружат на мрежите.
Од друга страна, голем број фанови застанаа во нејзина одбрана, потенцирајќи дека станува збор за лош агол на снимање, шминка или филтри, како и дека секој има право да изгледа онака како што сака.
„Жената изгледа одлично, луѓето претеруваат“, „Оставете ја да си живее“, порачаа нејзините поддржувачи.
Иако полемиката на социјалните мрежи сè уште трае, а се споделуваат и принтскринови од емисијата во која гостуваше, Софија Милошевиќ досега не се огласи по овој повод. Во меѓувреме, експертите често предупредуваат дека коментирањето на нечиј изглед врз основа на фотографии и видеа од социјалните мрежи може да биде крајно несоодветно, особено поради сè почестата употреба на филтри и дигитална обработка.
