Ракометниот капитен на Турција и неговиот син беа пронајдени мртви во урнатините на зградите по земјотресот што ги погоди Сирија и Турција и однесе десетици илјади животи.
Турскиот ракометен сојуз соопшти дека капитенот на нивната репрезентација Џемал Кутахи (32) загинал во катастрофалниот земјотрес што ги погоди Турција и Сирија и однесе илјадници животи. Заедно со ракометарот животот го загуби и неговиот петгодишен син Чинар.
„Со длабока тага ја примивме веста за смртта на нашиот драг Џемал Кутахи, капитенот на нашата репрезентација и неговиот син Чинар. Тие се пронајдени под урнатините на куќата во која живееле во Антакија, соопшти ракометниот сојуз, додавајќи:
„Господ да ги помилува починатиот и неговиот син. Наше сочувство до роднините на загинатите и ракометната заедница“.
View this post on Instagram
Но, да биде работата уште полоша, а трагедијата поголема, во урнатините настрада и сопругата на ракометарот, која била бремена и по која се уште се трага.
Заедно со неа продолжува и потрагата по мајката на ракометарот, а спасувачите се сомневаат дека ќе ги пронајдат живи, зашто веќе со денови се затрупани под масивните ѕидови на срушените згради.
