Лаура Паузини е „проколната комунистката“ – Кубанци пребегнати во Мајами ги уништуваат ЦД-ата на Лаура Паузини затоа што пејачката се фотографирала со некои членови на кубанските безбедносни служби.
Водителката на годинешната Евровизија, и пејачка, Лаура Паузини ги разбесни своите кубански обожаватели. Причината? Пејачката, која неодамна беше позитивна на ковид, била „уловена“ во друштво на група припадници на контраразузнавањето на Куба. Тоа биле членови на специјалните сили основани од Фидел Кастро во 1959 година кои, според најкритичните гласини, ги користела владата за да го потисне несогласувањето на населението.
Фотографијата сега почна да кружи на Интернет и нејзините кубански обожаватели во Мајами започнаа вистински бунт против италијанската пејачка.
View this post on Instagram
Инаку, фотографијата датира од 21 мај, но дури сега станаа јавно позната благодарение на Инстаграм страницата ИконографиеXXI.
Шпанската новинска агенција ЕФЕ го следеше протестот кој се одржа во населбата Мала Хавана, каде демонстрантите започнаа сензационални демонстрации, уништувајќи ги ЦД-ата на Паузини и мавтајќи со натписи: „Лаура Паузини, Кастристка, комунистла, пријателка на Дијаз-Канел“.
