Полнолетството на Атина Тошиќ и 17. роденден на нејзината сестра Ника собраа бројни познати личности, но покрај славеничките, вниманието на присутните го привлекоа и нивните родители, Јелена Карлеуша и Душко Тошиќ.
Поранешните сопружници во текот на целата вечер беа заедно, ги пречекуваа гостите и беа покрај своите ќерки на еден од најважните семејни настани. Нивната блискост особено дојде до израз во моментот кога пред присутните разменија бакнеж.
Посебно емотивен момент се случи кога Душко јавно ѝ се обрати на Јелена и ѝ се заблагодари за нивните две ќерки.
View this post on Instagram
„Тебе, мамо, ти честитам и ти благодарам што ми роди две принцези“, ѝ рече Душко, по што двајцата се прегрнаа и бакнаа.
Нивното зближување можеше да се забележи и порано во текот на вечерта. Душко пред медиумите зборуваше со голема благодарност за улогата што Јелена ја имала во растењето и воспитувањето на Атина и Ника.
Поранешниот фудбалер призна дека поради професионалните обврски поминувал многу време надвор од земјата, додека Јелена била постојано покрај нивните ќерки.
„Ѝ благодарам на Јелена и многу сум горд на неа. Поминав малку време со нив, а таа ги воспитуваше и многу сум горд“, изјави Душко.
Неговите зборови длабоко ја трогнаа Карлеуша, која не успеа да ги сокрие солзите. Пејачката потоа објасни дека станува збор за солзи радосници и јавно го пофали Душко како татко на нивните ќерки.
Јелена и Душко во последно време сè почесто се појавуваат заедно, што повторно го привлече вниманието на јавноста. Прославата на полнолетството на Атина и 17. роденден на Ника само уште еднаш покажа дека поранешните сопружници успеале да ги надминат дел од несогласувањата.
Карлеуша и претходно отворено зборуваше дека повторно воспоставиле добар однос поради своите ќерки. Таа нагласуваше дека Атина и Ника заслужуваат родители кои можат нормално да функционираат и да бидат присутни во нивниот живот.
Душко неодамна се појави и на роденденот на Јелена, а потоа со ќерките присуствуваше и на нејзиниот настап во Белград. Токму овие заеднички појавувања поттикнаа нови шпекулации за нивното повторно зближување.
Сепак, Јелена тогаш јасно порача дека меѓу нив нема љубовно помирување, туку дека двајцата сакаат да имаат добар однос и да функционираат како родители.
На големата семејна прослава Јелена и Душко се појавија заедно со своите ќерки, позираа пред медиумите и не го криеја задоволството и гордоста поради нивните славенички.
Атина го прослави својот 18. роденден, додека Ника наполни 17 години. И двајцата родители активно учествуваа во организацијата на големата прослава.
По емотивните зборови на Душко, солзите на Јелена и бакнежот што го разменија поранешните сопружници, нивниот однос повторно стана тема на интерес за јавноста. Сепак, останува нивното досегашно објаснување дека, пред сè, сакаат да бидат родители кои заеднички стојат зад своите ќерки.
