Горан Бреговиќ во текот на децениите успешна кариера стекнал огромно богатство, кое, меѓу другото, го вложувал во недвижности. Денес, наводно, поседува повеќе од 30 недвижности ширум регионот и Европа, а нивната вкупна вредност се проценува на повеќе од 35 милиони евра, пишува Стори.хр.
Меѓу неговиот имот се вилите на белградскиот Сенјак, стан на една од најскапите париски локации, вила од 450 квадратни метри на Јахорина, недвижности во Загреб, како и луксузна камена куќа во Пераст. Целото ова богатство еден ден ќе им припадне на неговите четири ќерки.
View this post on Instagram
Бреговиќ со сопругата Џенана има три ќерки – Ема, Лула и Уна и уште една ќерка од врска во младоста, Жељка. Музичарот по татко е Хрват, а по мајка Србин, додека неговата сопруга е муслиманка. Нивните ќерки растеле под различни верски влијанија, а секоја, според неговите зборови, си го избрала својот пат.
„Кога моите деца беа мали, за време на Бајрам беа муслимани бидејќи тогаш добиваа подароци, а за Божиќ и Велигден беа христијани бидејќи и тогаш добиваа подароци. Сега веќе не знам што слават. Мислам дека само средната е будистка“, рекол тој.
View this post on Instagram
Бреговиќ открил и дека неговите ќерки меѓусебно главно комуницираат на француски јазик. Сите три пораснале во Франција, каде што и се школувале.
„Тие се Французинки, тука нема помош. Меѓусебно зборуваат француски, таму се воспитувани, завршија француски училишта…“, рекол Бреговиќ за „Велике приче“.
Иако пораснале во Франција, се чини дека ја задржале поврзаноста со музиката и обичаите од просторот од кој потекнува нивниот татко.
„Знам дека неколкупати им се допадна. Мислам дека овде добро се забавуваат. Кога се тука, сакаат да организираат забави со нашата народна музика“, додал тој.
Една од ќерките на Бреговиќ, Лула, избрала сосема поинаков професионален пат. И покрај тоа што нејзиниот татко е еден од најпознатите музичари во регионот, таа се занимава со маникир, односно со уметничко украсување на нокти.
Лула ги нуди своите услуги од својот дом во Париз, а не во класичен салон. Поради тоа, однапред им напоменала на клиентите кои се алергични на мачки да го земат тоа предвид.
Јавно го објавила и својот ценовник. Дизајнирањето на природни нокти го наплаќа 20 евра, гел-сетот чини меѓу 30 и 40 евра, зависно од должината, додека цената на „full freestyle“ сетот изнесува 45 евра.
View this post on Instagram
