Неделното 81-во доделување на Златните глобуси беше ноќ полна со славење и забава, а многу моменти од директниот пренос на настанот од Беверли Хилтон добија големо внимание кај јавноста. Сепак, имаше многу моменти зад сцената и за време на рекламите кои публиката на CBS и Paramount+ не можеше да ги види. Имаше сцени полни со нежност, но и многу смеа.
Танцот на Бен Афлек и Џенифер Лопез
Додека се подготвуваа за фотосесија во бекстејџот, Бен Афлек одвои еден момент да танцува со неговата сопруга Џенифер Лопез, создавајќи нежен момент во кој сите уживаа, пренесува Entertainment Tonight.
Тимоти и Кајли
Иако не се појавија заедно на црвениот тепих, Тимоти Шаламе и Кајли Џенер не го избегнаа вниманието во Беверли Хилтон. За време на паузите за реклами, парот сподели неколку бакнежи на нивната маса.
Кен и Џен
Актерот Рајан Гослинг, познат како Кен во хит филмот Барби, и ѕвездата на серијата „Утринското шоу“ и Џенифер Анистон изгледаа многу пријателски расположени додека разговараа за време на паузата за реклами. Анистон и Гослинг речиси се држеа за рака за време на овој разговор.
Селена Гомез и Тејлор Свифт
Двете ѕвезди слатко се изнасмеаа дошепувајќи си нешто што предизвика голем интерес на социјалните мрежи, па видеото е едно од најсподелуваното од моментите на Златен глобус. Корисниците на социјалните мрежи погодуваат дека Гомез и Свифт ја озборуваат Кајли Џенер која е со момчето- актерот Тимоти Шаломе со оглед на тоа што на снимката се слуша неговото име.
“with timothee?” oh kylie you’re so over pic.twitter.com/O63bU3Zl8E
— leon (@skyferrori) January 8, 2024
Колешките од „Girls“ преслатки (повторно) заедно
Поранешните колешки од „Girls“ Алисон Вилијамс и Ебон Мос-Бахрач беа видени како се смешкаат и се фотографираат заедно.
