Пејачот Ѓорѓе Давид одржа прес-конференција по сообраќајната несреќа во Македонија, кога усмрти жена по судир на автопат.
Рокерот на конференцијата се појави во црно, видно депресивен и скршен и проговори за несреќата што се случи неодамна.
„Прво сакам јавно да изразам сочувство на господин Африн кој ја загуби сопругата во оваа грда приказна. Неговата најголема мака е ќерката која седела зад воланот. Таа неодамна положила возачки испит и го доживеала ова што го доживеа. Не би сакал да сум му во кожа, и јас имам ќерка и исто така ќе посакам да ја израдувам со автомобил. Уште кога бев мал и седнав на мотор ми рекоа дека себеси си ставам куршум на чело. Многу сум лошо, немам сон, сликите ми се враќаат. За да бидам уште појасен, важно ми е да сфатите дека тоа што некогаш беше блам, сега е најдобра маркентишка варијанта. Мојата психичка состојба е таква што мислам дека сум најсилен од својата генерација но ова ме скрши како шкорче. Со оваа траума ќе се борам но ќе се трудам да се изборам“ – рече рокерот.
– Во човечкиот мозок убавите слики се враќаат за време на спиењето, а тоа што ми се случи ќе се врати и во сон и на јаве. Бев таму околу 10 дена, имав обврска да останам додека да завршат тие главни работи. Можам само да кажам дека имав голема помош од самиот почеток од двајца луѓе кои ми беа на располагање 24 часа, морам да го спомнам и човекот кој ме угости во неговиот хотел, Зоки Рил, да не беа тие не знам како би поминал сам со себе со сите тие слики кои ме прогонуваат. Морам да ѝ се заблагодарам и на г-ѓа Теута, претседателката на Јавното обвинителство, која веруваше во мене. До неизвесен период, еднаш месечно ќе треба да се јавувам во обвинителството во Куманово. Зборот „концерт“ звучи грубо во моментот, но јас морам да си ја работам мојата работа како што вие ја работите вашата. Животот не чека и ме чекаат обврските, морам да продолжам како ништо да не ми е, а ѓаволите ме бркаат во целата оваа приказна – изјави Ѓорѓе Давид, пренесува српски Курир.
