Лепа Брена неодамна одржа концерт во Малинска на островот Крк, а видеото на кое ја крева ногата за време на изведбата стана вирален хит на социјалните мрежи. Додека го изведуваше хитот „Коловоѓа“, таа ја крена ногата високо во нејзин препознатлив стил и ја доведе атмосферата до вжештување.
„Она кога Лепа Брена за малку ќе ти го скрши телефонот со нога“, напиша корисничката на Инстаграм која го објави видеото од првите редови.
View this post on Instagram
За овој концерт, Брена избра бела комбинација на која беа испишани насловите на нејзините најголеми песни, зачинета со отворени штикли. По настапот, таа им се заблагодари на присутните:
„Ти благодарам, Крк! Поубаво враќање од кратката пауза не можев ни да замислам. Ноќ за паметење! Ве сакам“, порача пејачката.
Потег што потсети на легендарниот момент од 1983 година
Овој нејзин потег ги врати сеќавањата на далечната 1983 година, кога на концерт со „Слатки грех“ во Мостар, Брена толку силно ја крена ногата што се удри себеси во главата и падна на сцената. Сепак, таа тогаш веднаш се подигна и продолжи да пее како ништо да не се случило — момент кој влезе во легендите на балканската поп-фолк сцена.
