Славната двојка Џенифер Лопез и Бен Афлек постојано се во центарот на вниманието, особено по шпекулациите дека нешто не оди како што треба во нивната врска.
Така се појави уште едно видео кое потврдува дека навистина постојат проблеми во бракот на славниот пар.
Британскиот таблоид „Дејли мејл“ објави дека читател им доставил видео на кое се гледа уште една тензична расправија. Во него, се гледа како седат во автомобил на Беверли Хилс и додека чекаат зелено светло на семафорот, влегуваат во жестока расправија.
Бен, кој бил зад воланот, видно изнервиран ѝ се обраќа на Џенифер, која во тој момент седи на совозачкото седиште. Беше јасно дека двајцата се расправаат за нешто и беа толку занесени во разговорот што не обрнувале внимание дали има некој наоколу што може да ги види и да ги сними.
