Вечерва свечено е отворен 76 филмски фестивал во Кан со премиера на драмата од периодот на Луј XV , „Жана де Бари“ (Jeanne du Barry), со Џони Деп.
Канскиот филмски фестивал е изложба на најдобриот светски филм, спектакуларен црвен тепих.
Свеченоста ќе опфати церемонија на отворање, каде што Мајкл Даглас треба да ја добие почесната „Златна палма“. Подоцна, иста таква чест ќе му биде укажана и на Харисон Форд, ѕвездата на „Индијана Џонс“. Ќе биде претставено и жирито, кое ќе одлучува за главната награда на фестивалот, престижната „Златна палма“.
Најголемите имиња во меѓународната филмска продукција пристигнаа на француската ривиера за најпрестижниот филмски фестивал. Харисон Форд, Леонардо ди Каприо и Фиби Волер Бриџ ќе бидат меѓу ѕвездите што љубителите на филмот ќе може да ги видат на црвениот тепих.
Филмовите на Мартин Скорсезе, Вес Андерсон и Кен Лоуч премиерно ќе бидат прикажани на фестивалот заедно со десетици други.
Ќе се појави и Џони Деп, кој се враќа на филмското платно првпат по маратонските правни битки со поранешната сопруга Амбер Херд.
