Познатата пејачка Бојана Скендеровски се отвори за моментите кога ѝ било тешко во животот.
Во гостувањето во емисијата „Вечер по осум“ со Миро Кацаров, таа сподели длабока лична приказна за неправдите, трпението и вербата во сопствениот пат. Таа открива како се справува со предизвиците на естрадата и зошто денес повеќе не се оптоварува со нештата кои не зависат од неа.
На прашањето како гледа на досегашните искуства, Бојана рече:
„Имам таква филозофија во животот дека тоа што ти треба да го добиеш и тоа што треба да го постигнеш — ако си вреден, се разбира — ќе го најде патот до тебе. Имало ситуации кога можеби сум се чувствувала неправедно повредена или дека нешто е неправедно во одреден момент, меѓутоа времето секогаш покажало дека тоа така требало да биде“, рече пејачката.
Таа додаде дека е вечен оптимист.
