Елена Ристеска прославува јубилеј, полни 40 години и по тој повод објави фотографии од нова фотосесија и порака до своите следбеници.
Пејачката истакна дека е благодарна за сѐ што има, за луѓето кои биле покрај неа изминатите 40 години, но и за оние кои ќе бидат дел од нејзиниот живот во следните 40.
„40ка! И не е така лошо чувството. Се будам и чувствувам благодарност“, напиша Ристеска на Инстаграм, заблагодарувајќи им се на сите што ѝ испратиле честитки. „Следните 40 ќе мора се посериозни, каква што сум јас на сликиве“, се пошегува пејачката.
Неодамна Ристеска искрено прозборе за здравствените проблеми што ѝ биле голема тешкотија во изминатиот период. Таа рече дека имала проблеми со гласот, но дека за среќа, работите се подобруваат.
„Чекаат неколку добри, предобри песни да бидат снимени. Едвај чекам, искрено, со тоа што не можам да кажам точен термин кога ќе пуштам нова песна и спот. Можам само да кажам дека работам на тоа да биде што побрзо.“
View this post on Instagram
