Познатата пејачка Весна Змијанац денес попладне била примена во Ургентниот центар во Белград, откако почувствувала силна малаксаност и општа слабост. Таа пристигнала во придружба на пријателка, јавуваат српските медиуми.
Според неофицијални информации, Змијанац најпрво се јавила во приватна здравствена установа, но поради забележани промени на ЕКГ бил повикан и тим на Брза помош, кој ја упатил во Ургентниот центар на понатамошни испитувања. Лекарите одлучиле пејачката да остане на болничко лекување.
Ова не е првпат Весна да побара итна медицинска помош. Пред неколку месеци таа исто така имала здравствени проблеми, но по интервенцијата се чувствувала подобро – сè до денес.
