Новинарот, автор и уредник Миломир Мариќ утрово последен пат водеше емисија наТВ „Хепи“, од која даде отказ.
На крајот од утринската програма, тој се збогуваше со публиката со зборовите: „Се гледаме во друг филм“.
Патем, оваа реченица еднаш го означи политичкиот крај на една ера, бидејќи ја изговори поранешниот претседател на Србија, Борис Тадиќ, признавајќи го својот изборен пораз и честитајќи му на својот наследник, Томислав Николиќ.
Добро познатото новинарско дуо – Миломир Мариќ и Катарина Корша, поднесоа оставка од телевизијата „Хепи“ и потврдија дека одлуката е конечна.
– Вистина е, дадов отказ. Се надевам дека ќе има работа за мене. Катарина најверојатно ќе продолжи со мене. Слободно можете да напишете дека сум изгубен случај – рече Миломир Мариќ за „Република“ по веста дека дал отказ.
