Познатиот актер Том Круз морал да ангажира тим телохранители откако тој и режисерот Кристофер МекКуари добиле низа закани од поранешен вработен.
60-годишниот холивудски актер и 53-годишниот режисер нафилмот „Невозможна мисија“ добиле телохранители откако каскадерот бил отпуштен, што довело до „лути закани“ и страв од понатамошни одмазди, извести The Sun.
Извор од филмскиот сет открива дека „Том и Крис сè уште работат на „Невозможна мисија 8“, главно во Обединетото Кралство, но работите станале прилично непријатни со оглед на ситуацијата со поранешниот член на екипата, па тие не сакале да ризикуваат“.
„Тоа е по малку уметност на имитирање на животот, на снимањето сè се врти околу заштита и закани, а сега истото се случува и зад камерите“, објаснува изворот.
Како што пишуваат странските медиуми, поранешниот член на филмската екипа имал задача да најде локации за снимање сцени, вклучувајќи ја и онаа на која се гледа сударот на возот, но неговите предлози не биле вклучени во филмот.
„Главната ѕвезда на „Топ Ган: Маверик“ е навикната да има телохранители околу себе поради неговата слава, но за Крис тоа е нешто сосема ново бидејќи „никој не сака да ризикува“, открил изворот.
Отпуштениот работник поднел тужба против Круз, МекКвари и „Paramount“, а американските медиуми, исто така, ги наведоа обвинувањата за руските олигарси кои ја финансираат работата на Круз, како и поврзаната истрага на ФБИ за „Paramount“ околу финансирањето.
Изворот исто така додал дека „иако сè испадна многу лошо, инволвираните во филмот се убедени дека сè е сосема во ред и дека ова е само налутен поранешен член на тимот“.
View this post on Instagram
