Актерот Дин Стоквел почина на 85-годишна возраст, пренесуваат странските медиуми.
Ѕвездата на „Quantum Leap“ кој беше најпознат по улогата на адмиралот Ал Калавичи заедно со Скот Бакула во американската научно-фантастична серија, починал во неделата наутро (7 ноември) од природна смрт.
Претставник на актерот за „ТМЗ“ изјавил дека Дин Стоквел починал „мирно“ во својот дом.
View this post on Instagram
Холивудската кариера на Стоквел траеше седум децении, а неговата работа на „Quantum Leap“ – во која тој се појави во сите 97 епизоди помеѓу 1989 и 1993 година – му ја донесе наградата Златен глобус во 1990 година. Ликот кој го толкуваше Стоквел де факто беше контраст со физичарот на Бакула, д-р Сем Бекет.
Стоквел се повлече од актерството во 2015 година и почна да се занимава со уметност под неговото целосно име Роберт Дин Стоквел.
*Преземено од Слободен Печат
