Пол Макартни (79) изјави дека повеќе ги цени „The Everly Brothers“, познато американско рок, поп и кантри машко дуо, кое дефинитивно влијаело на развојот на музиката во минатиот век, повеќе од неговиот бенд Битлси, пренесува „Дејли Меил“.
View this post on Instagram
Пејачот ја откри шокантната забелешка во својата најнова книга „The Lyrics“ – додавајќи дека Џон Ленон исто така бил под силно влијание на покојното дуо. Тој напиша: „Најголемото влијание врз Џон и мене имаа The Everly Brothers. До денес, мислам дека тие се најдобри. Тие беа различни“.
View this post on Instagram
„Ги идолизиравме затоа што нивниот бенд имаше само двајца членови, а тие беа многу згодни. Сакавме да бидеме како нив“, заклучи славниот пејач. „The Everly Brothers“ – е дуо составено од браќата Фил и Дон Еверли и го држат рекордот на дуо со најмногу синглови во категоријата топ 100.
Врвот на нивниот успех е во 1950-тите и 1960-тите, кога кантри пејачите снимија речиси триесетина хитови на табелата Billboard Hot 100. По разделба во раните 1970-ти, повторно се обединија во 1983 година.
Тие ја започнаа својата кариера на кантри музичката сцена во Нешвил, а во 1957 година постигнаа успех со хитот „Bye Bye Love“. Со овој хит тие го освоија првото место на кантри листите, па дури и второто место на поп-листите. Следеа бројни хитови, од песни напишани од други како „Wake Up Little Susie“ до песни напишани од самиот Дон, како што се „Cathy’s Clown“ и „(Til) and Kissed You“.
ЗОШТО СЕ РАСПАДНАА БИТЛСИ? Пол Макартни ја открива причината
