Повторно тажна вест доаѓа од Турција. Инфлуенсерот Таха Дујмаз од Хатај, Турција, кој беше познат по своите кулинарски вештини, беше пронајден во урнатините по земјотресите што ги погодија Турција и Сирија.
View this post on Instagram
Таха беше жртва на сајбер насилство, а неговата приказна ја сподели и босанската инфлуенсерка Наида Бојнакова која е со моментална адреса во Турција.
– Ова е Таха од селото кај Хатај. Пред неколку години, Таха стана познат на социјалните мрежи објавувајќи рецепти за јадења што ги прави во својата скромна кујна. Очигледно луѓето го исмејуваа што е сиромашен. Откако успеа како инфлуенсер, Таха почна да го издржува семејството, ја среди и кујната поради која го исмејувале, но потоа најдоа нешто ново со кое психички и физички го малтретираа – објаснува Надиа.
-Му се смееја поради носот, па Таха под влијание на сите лоши коментари го оперираше носот. После тоа го понижуваа бидејќи има клемпави уши, па Таха ги оперираше и ушите. Таха сиве овие години беше жртва на интернет насилство и безмилосни коментари, а во неколку наврати јавно им се обрати на луѓето да го остават на мира, дека не се чувствува добро, дека сето тоа го погодува – напиша Наида.
Таха бил пронајден со неговата сестра и братучетка под урнатините на урната зграда.
