Таткото на Меган Маркл сега преку британските медиуми ја моли неговата ќерка да му дозволи да ги види внуците и вели дека нема да се откаже од појавувањето во медиуми додека таа не попушти и не се смират.
Томас Маркл за програмата „Good Morning Britain“ на ИТВ откри дека тој и неговата ќерка мораат да пораснат, да разговараат и да се смират заради децата.
„Ова е смешно, поминаа скоро четири години, лудо е“, рече тој.
View this post on Instagram
Како што вели, тој се уште не го запознал својот внук Арчи, роден во 2019 година, или внуката Лилибет, родена во јуни.
„децата ќе пораснат без да знаат дека имаат две семејства“, рече Томас. „Нивната прабаба е кралицата на Англија и мислам дека е важно да знаат дека имаат две семејства. На крај кога ќе пораснат ќе сакаат да знаат повеќе за нив“, додаде тој.
77-годишниот Томас Маркл беше интервјуиран од неговиот дом во Мексико. Тој тврди дека Меган, која стана војвотка од Сасекс откако се омажи за принцот Хари, сакала да престане да разговара со својата полусестра и полубрат, но тој не можел да го направи тоа.
„Никогаш порано не била таква. Откако е со Хари, таа се промени“, додаде Маркл.
View this post on Instagram
Томас се разделил од мајката на Меган, Дори Рагланд, кога војвотката била млада. Сепак, Рагланд присуствуваше на венчавката на нејзината ќерка во замокот Виндзор и пиела чај со кралицата Елизабета Втора. Томас Маркл не присуствуваше на венчавката откако беше откриено дека се согласил на исценирани папараци фотографии. Кратко по кралската венчавка, Меган го прекинала контактот со него.
View this post on Instagram
Хари и Меган го изненадија кралското семејство минатата година кога објавија дека се повлекуваат од кралските должности. Тие се преселија во Лос Анџелес, прекинувајќи ги финансиските врски со кралското семејство и потпишувајќи голем број профитабилни договори, вклучително и со „Нетфликс“ и „Епл ТВ+“.
