Тања Кочовска и нејзиниот сопруг Предраг Павловски споделија фотографија на Фејсбук покажаа дека семејството им е секогаш на прво место. Тие деновиве уживаат во патување надвор од земјава.
На социјалните мрежи Тања сподели прекрасна семејна фотографија, на која позираат со нивните две деца Александар (од првиот брак на актерката) и нивната заедничка ќерка Нела.
На фотографија им искоментира легендарниот актер Благој Чоревски – Чоре, кој под објавата напиша:
„Вака да терате уште 100 години. Поздрав од Чоревци.“
Неодамна, младата актерка Нела Павловска, ќерката на Тања Кочовска и Предраг Павловски, рече дека е горда на татко ѝ затоа што никогаш не правел разлика помеѓу неа и нејзиниот брат Александар Ендровски, иако Предраг не му е биолошки татко.
Александар е син на Тања од првиот брак со актерот Владимир Ендровски – Љац, кој почина на 20 август 2023 година.
„На Тања сум горда затоа што кај неа ништо не е невозможно. Сè може, сè… Едноставно мислам дека таа жена навистина сè може да направи. А татко ми – најгорда на татко ми сум што никогаш во животот, никогаш нема направено разлика меѓу мене и брат ми, иако брат ми не е негов син. А заедно се од кога брат ми имал шест години. Никогаш не направил разлика. Напротив, тие се екипа“, рече Нела во емисијата „Нешто конкретно“ и додаде дека како помала била малку љубоморна на таа нивна поврзаност.
