Соња Тарчуловска доби специјално изненадување од најмалата ќерка Јоана, како задоцнет подарок за 47. роденден кој пејачката неодамна го прослави.
Имено, убавата Јоана ѝ направила торта од колачи на својата мајка, а фолк пејачката до оваа слика напишала: „Постев на роденденот, па ќерка ми сега ме изненади“.
Инаку, Соња и Јохан Тарчуловски имаат уште две деца, Мелани и Младен. Младата и надежна пејачка Мелани Тарчулоска, неодамна ја откри својата љубов на социјалните мрежи.
Мелани беше на романтичен одмор со својот сакан кој на Инстаграм е под името Бундалевски, а сликата на зајдисонце делуваше мнгоу среќно и вљубено. Таа во јуни оваа година ја промовираше новата песна „Шах-мат“, кој е нејзин четврти сингл.
Во 2021 година, на познатиот интернационален музички фестивал „Охрид Фест–Охридски трубадури“, Мелани Тарчуловска ја освои наградата Долни Сарај и оттогаш поинтензивно се занимава со музика.
Соња пак, го преработи својот хит „Во бело“ во модерна, техно верзија на идеја на Мелани, за песната да ја сакаат и младите.
