Актерот Брус Вилис се повлече од глумата пред две години кога му беше дијагностицирана фронтотемпорална деменција. Оттогаш, неговото семејство често дава изјави преку социјалните мрежи за да ја сподели состојбата на актерот со јавноста.
Вчера се огласи неговата сопруга Ема Хеминг Вилис која објасни колку е незадоволна од пишувањата во светските медиуми за болеста на Брус.
Ема ја повика јавноста да го промени правецот на известување, таа смета дека медиумското покривање на неврокогнитивните болести треба да се коригира бидејќи тоа може да влијае на други семејства, вклучително и на нејзиното семејство.
– Насловите во основа велат дека нема повеќе радост во мојот сопруг. Сега можам само да ви кажам, тоа е далеку од вистината – вели Ема на социјалната мрежа Инстаграм.
Потоа нагласи дека искуството на нејзиното семејство е „потполна спротивност на тоа“.
View this post on Instagram
„Постои тага. Има од сето тоа. Но започнувате ново поглавје. Таму сме ние. Затоа, престанете со такви наслови. Ги излудува луѓето“.
