Откако пејачката Мина Костиќ јавно откри дека е во врска со извесен Каспер, подоцна познат и по името Мане Ќурувија, во јавноста почнаа да кружат бројни шпекулации – па дури и за тоа со што точно се занимава нејзиниот партнер.
По пристигнувањето од Њујорк во Белград, Каспер заедно со Мина даде изјава за медиумите и реши јавно да ги разјасни сите дилеми околу неговата професија. Првично се зборуваше дека е исклучително богат, а потоа и дека работи „во некаква гаража“, но како што самиот објасни – станува збор за сериозен и добро организиран бизнис.
„Ниту една работа не ми е туѓа. Ако треба да го преведам тоа на наш јазик – на Менхетен се занимавам со бизнис поврзан со паркинг-гаражи. Компанијата во која работам е најстара во таа област и управува со 88 гаражи на Менхетен, со месечни клиенти. Јас водам еден голем сектор во рамки на целиот систем. Во компанијата работат околу 1.500 луѓе“, објасни тој.
Каспер додаде дека проблемот со паркирањето е очигледен и во Белград и дека ваков систем би можел да се воспостави и таму во наредните години. Истакна и дека низ животот работел различни работи, чесно и без срам.
„Обичен човек сум, голем работник и горд сум што можам да кажам дека отсекогаш сум заработувал со своите десет прсти. Имам прекрасно семејство на кое сум исклучително горд“, нагласи тој.
Да потсетиме, зборувајќи за нивната врска, Мина Костиќ неодамна изјави дека би сакала со него да има дури пет деца.
