– И понатаму во следниот подолг период времето во Македонија ќе биде стабилно, суво и претежно сончево. Наутро ќе биде доста студено со минимални температури кој ќе се спуштаат во интервалот од -3 до 6 степени, додека максималните дневни ќе бидат релативно високи и ќе се искачуваат во интервалот од 17 до 23 степени.
Во четврток ќе дува умерен, а долж Повардарието повремено засилен ветер од северен правец и истиот ќе услови опаѓање и на максималните дневни температури. Но сепак стабилното и суво време со многу сонце ќе продолжи.
И во Скопје и околината времето ќе биде стабилно, суво и сончево. Во четврток ќе дува умерен до засилен северен ветер. Наутро ќе биде релативно студено со минимални температури кој ќе се спуштааат во интервалот помеѓу 2 и 4 степени, додека максималните дневни ќе бидат релативно високи и ќе се искачуваат во интервалот помеѓу 19 и 20 степени, вели метеопрогнозерот Славчо Попоски.
