– Во следните денови, како што најавивме и претходно во претпладневните часови ќе има повеќе сончеви периоди, додека во попладневните и тоа особено во планинските предели ќе има услови за локална нестабилност, проследена со краткотраен пороен дожд, грмежи и засилен ветер. Што се однесува до температурите, тие и понатаму ќе бележат тенденција на пораст и максималните дневни во следните денови ќе се искачуваат во интервалот од 19 до 26 степени – вели метео прогнозерот Славчо Попоски.
И во Скопскиот регион во следните денови времето ќе биде сончево со умерена локална облачност, повремено ќе има нешто повеќе облачност, но условите за врнежи се релативно мали. Температурите во текот на следните денови ќе се искачуваат во интервалот помеѓу 25 и 26 степени.
