Дарко Лазиќ ги искористи слободните денови за да отпатува надвор од градот со сопругата Катарина и нивната ќеркичка Срна и да уживаат во мирот и природата.
Семејството го посети познатиот манастир Рача, кој се наоѓа во подножјето на планината Тара, недалеку од Бајина Башта, од каде што споделиле прекрасни семејни моменти на социјалните мрежи.

Дарко и Катарина насмеани позираа со ќеркичката покрај дрвеното мостче над реката Рача, додека нивната наследничка, облечена во топла зимска јакна и капче, е во прегратките на татко ѝ. Пејачот не ја симна насмевката од лицето, видно расположен, додека Катарина блеска во опуштена есенска комбинација.
Сепак, глетката што најмногу ги воодушевила нивните следбеници е онаа на која малата Срна е во главната улога. Девојчето во дворот на манастирот му пришло на мало бело јагне и љубопитно го галело, додека животното без страв ѝ се приближувало.

Инаку, манастирот Рача е стар повеќе од 740 години и несомнено спаѓа меѓу најголемите и најзначајните српски средновековни свети места.
