– Продолжува ДОЛГИОТ период на стабилно, суво и сончево време со малку повеќе облачност за време на викендот кој доаѓа. Наутро и тоа особено до среда ќе биде СТУДЕНО со минимални температури кој особено во Беровскиот регион ќе се спуштат за неколку степени под нулата. Максималните дневни пак ќе се искачуваат во интервалот од 17 до 24 степени.
Во четврток ќе биде и ветровито. Односно ќе дува умерен, а особено долж Повардарието повремено засилен ветер од северен правец и истиот ќе услови пад на температурите за 3 до 4 степени.
Во Скопје и околината времето и во следниот период ќе се задржи сончево и стабилно.
Во четврток ќе дува умерен, повремено засилен ветер од северен правец. Наутро минималните температури ќе се спуштаат до околу 2 степени, и тоа особено до среда а потоа наутро ќе биде малку потопло. Максималните дневни температури на воздухот пак ќе се искачуваат во интервалот помеѓу 20 и 21 степен, вели метеопрогнозерот Славчо Попоски.
