– Денес па во текот на новата седмица која што ни претстои времето во Македонија ќе биде стабилно, суво и сончево со мала до умерена локална облачност. Ќе дува умерен до засилен ветер од северен и од северозападен правец и истиот локално ќе достигнува брзина од над 60 км/час. Исклучок ќе биде утрешниот ден кога ќе има нешто повеќе облачност и ќе има појава на повремен локален дожд и услови за ретки грмежи. Температурите ќе бидат нешто пониски и тоа поради влијанието на посвежата воздушна маса од север и максималните дневни ќе се искачуваат во интервалот од 15 до 23 степени. Нешто повисоки температури ќе имаме денес и истите ќе се искачуваат во интервалот од 19 до 27 степени.
И во Скопскиот регион во следните денови времето ќе биде претежно стабилно и суво, а ќе биде и доста ветровито со умерен до засилен ветер од северен правец. Услови за локален краткотраен дожд ќе има само утре. Температурите ќе се искачуваат во интервалот помеѓу 17 и 23 степени.
