Излегол на сцената и ја поздравил публиката. Направил неколку чекори и се истегнал. Потоа на големиот екран покажале видео како носи кутија, наводнува цвеќиња и крева метални шипки во фабриката на Тесла.
– Нашата цел е да направиме корисни хуманоидни роботи во најкус можен рок – изјави мултимилијардерот Илон Маск, сопственик на Тесла, претставувајќи го прототипот на хуманоидниот робот Оптимус на „денот на вештачката интелигенција“ во просториите на компанијата во Пало Алто, Калифорнија. Тој додаде дека има уште многу работа пред нив бидејќи Оптимус, кој го добил името по лик од серијалот „Трансформери“, треба да се надоградува.
Teslas Bot is going to remove the utterly most painful repetitive tasks in every industry. It’ll make things super efficient. I can only imagine how much efficiency the production line at Tesla will become. @elonmusk pic.twitter.com/IyE0l8fYFD
— Tesla Owners Silicon Valley (@teslaownersSV) October 1, 2022
– Тој може многу повеќе од она што го покажавме овде. Но, навистина не сакавме луѓето да се „онесвестат“ од изненадување – рече тој.
Маск најави дека Оптимус ќе биде достапен за купување во рок од три до пет години. Неговата рака ќе се состои од четири прсти и палец со систем што ќе го приближи до подвижноста на човечката рака што е можно повеќе. „Мозокот“ на сите претходни слични роботи беше со недостатоци, рече Маск, кој смета дека ова е најголемиот предизвик во развојот на вештачката интелигенција.
Tesla Bot coming out and dancing 🤣 @elonmusk pic.twitter.com/TKT1lSGyqa
— Tesla Owners Silicon Valley (@teslaownersSV) October 1, 2022
– Засега ваквите роботи немаат способност да управуваат со себе и се многу скапи. Меѓутоа, Оптимус го дизајнираме како исклучително способен робот, кој ќе чини помалку од еден автомобил – рече Маск, пренесе London Evening Standard.
