Како и секој претходен и иден петок се обидуваме да ви го олесниме одговорот на прашањето „Што да гледате на „Netflix“ и „HBO“ овој викенд?“.
Викендите секогаш се резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои сигурно нема да ве остават рамнодушни.
Love on the Spectrum – Серија на „Netflix“
Седум млади возрасни луѓе од спектарот на аутизам нурнуваат во светот на состаноците, истражувајќи го непредвидливиот свет на љубовта и врските.
Жанр: ријалити / IMDB оценка: 8.6 / Rotten tomatoes рејтинг: 100%
City Of Lies – Филм на „HBO“
Детективот на полициската станица во Лос Анџелес, Расел Пул, поминал години обидувајќи се да го реши неговиот најголем случај – убиствата на The Notorious B.I.G. и Тупак Шакур – но по две децении, истрагата останува отворена. Џек Џексон, новинар кој очајно сака да ја спаси својата репутација и кариера, е решен да открие зошто. Во потрага по вистината, двајцата се здружуваат и разоткриваат мрежа на институционална корупција и лаги.
Жанр: криминалистичка драма/ IMDB оценка: 6.5 / Rotten tomatoes рејтинг: 51%
Red Notice – Филм на „Netflix“
Во светот на меѓународниот криминал, агент на Интерпол се обидува да го фати најбараниот крадец на уметнички дела во светот.
Жанр: акција/комедија / IMDB оценка: 7.2 / Rotten tomatoes рејтинг: 40%
Temple – Серија на „HBO“
Хирург поставува недозволена клиника во тунелите под метро станицата Темпл за да најде лек за својата болна сопруга, но тој мора да ја финансира операцијата со лекување на криминалци и други очајни пациенти кои не можат да побараат помош од редовните медицински установи.
Жанр: драма / IMDB оценка: 7.1 / Rotten tomatoes рејтинг: 75%
