– За време на овој викенд, како и во почетокот од следната недела времето во Македонија ќе биде променливо облачно со сончеви периоди. Локално ќе има и позначителна облачност, а ќе има услови и за локален слаб дожд. Ќе дува слаб до умерен ветер од источен и од југоисточен правец. Температурите на воздухот ќе бидат без поголеми промени, и максималните дневни ќе се искачуваат во интервалот од 11 до 16 степени, додека наутро ќе биде релативно студено и минималните температури понекаде ќе се спушптат за некој степен под нулата, вели нашиот метео прогнозер Славчо Попоски.
И во Скопскиот регион ќе продолжи променливото време со сончеви периоди. Ќе дува слаб до умерен ветер од југоисточен правец, додека максималната температура ќе се искачува во интервалот помеѓу 14 и 15 степени.
