Популарната глумица Рис Витерспун и нејзиниот сопруг Џим Тот објавија дека се разведуваат по 12 години брак.
Ѕвездата на Legally Blonde во петокот ја сподели веста со нејзините речиси 30 милиони следбеници на Инстаграм, нарекувајќи ја „тешка“ одлука која е донесена со „длабока љубов, добрина и взаемна почит за сè што сме создале заедно“.
Во својата изјава, Витерспун истакна дека нивниот најголем приоритет е нивниот 10-годишен син Тенеси и целото нивно семејство додека се движат во следното поглавје од своите животи. Таа, исто така, побара приватност за нејзиното семејство во овој тежок период.
Веста доаѓа само два дена пред 12-годишнината од бракот на двојката, на 26 март. Тот, кој порано работеше за Агенцијата за креативни уметници, се венчаше со Витерспун во 2011 година на нејзиниот ранч во Калифорнија, по врска од околу една година.
View this post on Instagram
Рис претходно беше во брак со актерот Рајан Филип, со кого има две деца: ќерката Ава (23) и синот Дикон (19).
Се чинеше дека бракот на Витерспун и Тот до сега оди добро. Во 2021 година, актерката сподели романтична објава на Инстаграм во чест на нивната 10-годишнина од брак, каде што ја прослави нивната „голема љубов, многу смеа, непрекинато патување, толку многу кучиња и забавни авантури“.
Двојката, исто така, сподели празнична фотографија на Инстаграм минатиот декември, на која позираа со своето „мешано“ семејство пред нивната елка.
Reese Witherspoon and husband Jim Toth have ‘made the difficult decision to divorce’ after nearly 12 years of marriage. https://t.co/VltZNqZcHB
— Entertainment Weekly (@EW) March 24, 2023
