Брајан Рендал, долгогодишниот партнер на актерката Сандра Булок почина викендов на 57-годишна возраст по долга борба со амиотрофичната латерална склероза. Булок (59) го запознала фотографот Рендал кога го фотографирал роденденот на нејзиниот син Луис во јануари 2015 година. Тие ја објавија својата врска истата година, појавувајќи се заедно на свадбата на Џенифер Анистон и Џастин Теро.
„Ја најдов љубовта на мојот живот. Не ми треба хартија за да бидам посветена партнерка и мајка”, рекч Сандра во едно интервју за нивната врска.
View this post on Instagram
По смртта на Брајан Рандал, на Инстаграм се огласи Џесин Булок-Прадо, сестрата на Сандра Булок. Џесин во емотивна објава откри како Сандра се грижела за својот партнер во неговите последни денови.
„Уверена сум дека Брај го најде најдоброто место за риболов на небото и веќе ја фрла својата мамка за лососи во брзаците. АЛС е сурова болест, но има одредена утеха во сознанието дека тој ја имаше најдобрата грижа благодарение на мојата неверојатна сестра и тим медицински сестри кои таа ги собра и кои ѝ помогнаа да се грижи за него во нивниот дом. Почивај во мир Брајан“, напиша Џесин.
View this post on Instagram
