Откако нејзиниот концерт во Мериленд мораше да биде одложен за еден час поради невреме, Бијонсе платила 100.000 долари за возовите да продолжат да возат уште еден час за да можат нејзините обожаватели од концертот да се вратат дома.
Управата за транзит (Washington Metropolitan Area Transit Authority) во соопштение за јавноста откри дека Renaissance World Tour ја платила сметката за „придвижување повеќе возови, оставени отворени сите 98 железнички станици и други оперативни трошоци“ за дополнителниот час на железнички услуги. 41-годишната пејачка обично излегува на сцената околу 21 часот, но во неделата задоцнила бидејќи службите испратиле предупредување за опасното време и им наложиле на жителите да побараат засолниште поради невремето.
View this post on Instagram
Иако дождот продолжи да паѓа во текот на целата вечер, тоа не ја спречи Бијонсе да го одржи концертот. Посетителите биле пуштени во салата околу 20.25 часот, а благодарение на Бијонсе доцнењето не им ги нарушило плановите за враќање дома.
