Легендарната ТВ ѕвезда Дик Ван Дајк е повреден откако удрил со својот Лексус во Малибу кога изгубил контрола над возилото.
Автомобилот на 97-годишниот актер се лизнал при влажни временски услови пред да се забие во порта, во средата наутро, пишува TMZ.
При несреќата го раскрвавил носот и устата, а според непотврдени информации можно е да доживеал и потрес на мозокот.
Полицијата пристигнала на лице место и го пронашла раскрвавениот холивудскиот ветеран зад воланот на неговиот Lexus LS 500, додава TMZ.
На местото на настанот му била укажана медицинска помош.
Сепак, Ван Дајк не бил однесен во болница, туку дошол пријател по него кој го однел дома.
Полицајците наводно доставиле документи до DMV со барање ѕвездата од „Мери Попинс“ повторно да го полага својот возачки испит. Според полициски извешатај, актерот не бил под влијание ни на дрога ниту на алкохол.
