Принцот Хари (38) би можел да го изгуби правото да живее во Америка, пренесува Page Six. Причината е што тој бил премногу искрен за неговата употреба на дроги во минатото.
Иако некои мислат дека нема да го протераат од земјата, но дека може да заврши во затвор, други веруваат дека принцот е во опасност да ја загуби визата за престој.
– Признавањето употреба на дрога обично е причина за неприфаќање. Тоа значи дека визата на принцот треба да биде одбиена или укината бидејќи тој признал дека користел кокаин, печурки и други дроги – изјави поранешната федерална обвинителка Наема Рахмани, додавајќи дека нема посебен третман за оние од кралското семејство.
Во своите мемоари, принцот признал дека бил зависник од алкохол и дека користел кокаин и марихуана. Хари тврдеше дека само како тинејџер пробал кокаин, но дека како возрасен пробал и голем број психоделици. На почетокот на овој месец, тој во едно интервју откри дека таквите супстанции биле составен дел од неговиот живот некое време.
