Првите епизоди од мошне очекуваниот нов проект на Дизни почнаа да се емитуваат.
Првите три епизоди од серијата наречена „Пaм и Томи“ (Pam & Tommy.) се достапни од 2 февруари на Star во рамките на дигиталната платформа. Следниве епизоди ќе пристигнуваат навремено на неделно ниво.
Апсолутна новина е што гледањето на серијата е забрането за малолетници под 14 години. Серијата го прикажува скандалот со секс снимката на Памела Андерсон и Томи Ли, кој избувна кон крајот на 1990-тите. За да ја раскаже оваа неверојатна приказна, Дизни решил да се фокусира на некои лица со кои претходно работел.
Серијата е сместена во раните денови на Интернетот, кога сè уште немаше правила. „Пам и Томи“ се заснова на неверојатната вистинска приказна за секс снимката на Памела Андерсон, која ја игра убавата Лили Џејмс, и Томи Ли, кој го игра Себастијан Стен – саканиот актер кој стана познат по својата улога во филмот Avengers.
Спорното видео беше украдено од домот на сопружниците од страна на еден незадоволен работник и беше видено од милион луѓе. Скандалот од реалниот свет заврши на интернет во 1997 година.
Серија се состои од осум епизоди. Раскажува приказна за љубовта, криминалот но и го истражува односот помеѓу приватноста, технологијата и славните личности, следејќи го потеклото на нашата сегашна ера на реални шоуа – сите важни теми, особено во денешно време, на кои особено младите треба да размислуваат.
