Како бомба одекна приказната за кандидатот на „Ѕвезде Гранда“ Душан Вукадиновиќ дека пејачката и членка на жирито Снежана Ѓуришиќ му барала пари за да се пласира во следната рунда од натпреварувањето.
Српската популарна пејачка и телевизиско лице Вики Миљковиќ која е една од судиите и менторка во „Ѕвездите на Гранд“ деновиве е во Америка од каде проговори за обвинувањата на Душан Вукадиновиќ, кандидат од натпреварувачкото музичко шоу „Ѕвезде Гранда“, која тврди дека нема местење на конкурсот, како и дека членовите на жирито се целосно посветени на своите кандидати.
– Многу ми е жал што ова се случува. Јас сум на турнеја во Америка, па поради временската разлика следам колку што можев повеќе за што се работи. Можам да кажам дека не е точно дека некој од членовите на жирито зема пари од кандидатите. Ние го живееме животот на „Ѕвезде Гранда“. Само ќе ви дадам еден пример од мојот живот. Многупати на некои кандидати кои за жал не можеа да дојдат на снимање им давав пари и им обезбедував сместување или гардероба. Исто така, секогаш кога се дружиме или вежбаме, обезбеден е кетеринг. Ние сме исклучително посветени на тие деца и се трудиме да им помогнеме колку што можеме. Со секој кандидат се однесуваме така, без исклучок. Верувам дека и другите колеги подеднакво ги третираат своите кандидати – изјави Вики за српските медиуми.
