Ивана Врдољак – Вана, една од членовите на хрватското жири, реши да проговори по бројните осуди во регионот поради „само 3 поени кои Хрватска ѝ ги даде на Србија“.
Откако Хрватска ѝ даде само три поени на Србија, настана хаос на социјалните мрежи. Дури и Марија Шерифовиќ побара да дознае кои се членови на хрватското жири. Ивана Врдољак-Вана која и сама беше претставничка на Хрватска на Евровизија 2001 година која се одржа во Копенхаген, Данска, и каде го освои десетото место, сега се огласи и го искоментира гласањето.
„Во жирито беа пет члена. Секој од нас гласаше посебно – според својата совест. Збирот на нашите гласови ги даде конечните оцени. Со оглед на тоа што пропорциите на Евровизија не дозволуваат објавување на поединечни гласови, навистина нималку не е фер што некои од вас ме осудуваат без да знаат на која земја колку бодови сум ѝ дала“, напиша Вана на својот инстаграм-профил.
Таа му честиташе за второто место на хрватскиот претставник Бејби Лазања.
„Ја направи Хрватска горда, а публиката го кажа своето“, напиша поранешниот вокал на бендот Е.Т, Вана
Инаку, членови на хрватското жири покрај Вана беа и Дино Јелушиќ, Миховил Шоштариќ, Срѓан Сканси Секуловиќ и Џина Викторија Дамјановиќ.
