На 24 октомври ќе бидат објавени мемоарите на американската поп пејачка Бритни Спирс, „Жената во мене“, кои и пред објавувањето веќе предизвикаа голема врева и ги направија нервозни сите што некогаш биле блиски на уметницата.
Авторката го поттикна интересот за книгата со нова објава на Инстаграм, навестувајќи дека е подготвена за каква било реакција.
Спирс на своите профили на социјалните мрежи сподели фотографија од торта во форма на срце со натпис „Се гледаме во пеколот“. Како по обичај, опцијата за коментари од следбениците на социјалните мрежи, е затворена.
„Жената во мене“, како што признава Бритни, е нејзиниот начин да ја каже целата вистина за себе и нејзиниот живот во прво лице, а не преку вести и озборувања во медиумите. Дури и оние ретки откритија што веќе протекоа во печатот укажуваат дека книгата ќе биде многу искрена, а светот ќе дознае многу нови работи за поп иконата од доцните 90-ти.
