Пејачката Сандра Африка повторно се најде во центарот на вниманието, откако Српската православна црква реагираше на нејзиниот неодамнешен Тикток видео-тренд.
Следејќи популарна шега на Тикток – во која луѓето се снимаат како наводно планираат да ги „крстат“ своите миленици – и Сандра го направи истиот видео-клип. Но, тоа предизвика критики од свештеник на СПЦ, па сега таа јавно објасни дали смета дека погрешила.
„Не сум се исмејувала со Црквата, тоа не е моја оригинална идеја – сите се снимаат со таа шега. Кажуваат дека сакаат да го крстат кучето, и јас направив исто како и другите. Тоа е Тикток, но изгледа само моето видео им смета, другите не важат… (се смее). Не мислам дека тоа ми се врати негативно, не сум личност која прави лоши работи. Ниту еден поп нема да каже дека е ‘супер фора за Тикток’!“ – изјавила Сандра за „Блиц“.
Да потсетиме, по видеото во кое ѝ се јавува на пријателка и ја прашува дали сака да биде „кума“ на нејзиниот пес, реагираше отец Јован од манастирот Св. апостоли Петар и Павле, кој остро го осуди ваквиот тренд.
„Прости ѝ, Господи, не знае што прави! Да знаеше каков грев е да се обезвреднува Светата тајна крштение, никогаш не би го направила тоа. Нема тука Божји благослов. Ова се страшни работи, богохулење. За вакви зборови може да се одговара и пред црковен суд и да се сносат сериозни канонски последици, ако е лицето крстено и ако припаѓа на православната вера. Мој татковски совет е искрено да се покае, со горки солзи, и да отиде кај тој свештеник што го споменува, за да му се извини“, изјавил свештеникот.
