Сања Кужет е едно од омилените ТВ лица на малите екрани во Србија. Сепак, нејзиниот кариерен пат не бил воопшто лесен. Покрај борбата, работата и трудот, Сања дознала дека многу колеги се обиделе да ѝ ги уништат соништата, за што дури сега проговори.
– Да немаше луѓе кои удираа со лакти во тој момент и се обидуваа да ми ги уништат соништата, можеби немаше толку многу да се борам за да бидам тоа што сум денес. Затоа не зборувам за тоа со горчина, но мислам дека сето тоа беше училиште за мене – неодамна објаснила водителката.
И ако секогаш е одлично облечена на малите екрани, водителката често се појавува на своите социјални мрежи во опуштено издание. Без шминка, фризура и елегантни фустани, а нејзините следбеници често ја фалат за тоа.
Бринетата еднаш објави фотографија на Инстаграм од одмор во Хрватска, и се сликаше во сосема природно издание, а луѓето ѝ пишуваа на социјалните мрежи дека таа е пример за жена на која треба да се угледуваат и помладите девојки.
– Сања е одлична жена и некој што многу добро знае што прави. Во морето од лоши примери, таа е одлична – беше само еден од коментарите.
